Holland -17-05-06 (Alljubbaland.com) Ayaan Xersi Cali, oo ah Haweeney asalkeedu ka soo jeedo Dalkeenna Soomaaliya, balse muddooyinkan dambe ahayd Siyaasad haysatay Dhalashadda dalka Holland, ayaa waxaa haatan ku socda baaritaan adag, iyadoo Qowmiyadaha kala duwan ee ku wada nool Dalka Holland u arkaan inay Haweneydaasi tahay qof aan laga dhex jeclayn dalkaasi.

ayaan xirsi oo shir jaraa'id qabatay

Ayaan Xersi Cali, waxay si ba’an u cambaareyn jirtey Siyaasad, ayaa waxay haatan la soo gudboonaaday xaalladdo adag, oo ka dhalatay warbixinno been-abuur ah oo ay bixisay sannadkii 1992-kii, oo ay Magangeliyo Siyaasadeed ka codsatay Maamulayaasha Dalka Holland, iyadoo sannadkii 1997-kii la siiyey Dhalashadda dalka Holland, kana mid noqotay Barlamaanka dalkaasi.

Ayaan Xersi Cali, oo 36-jir ah, kana baxday Diinta Islaamka, ayaa waxaa laga xayuubiyey xubinnimaddii Muwaadinimaddii Dalka Holland iyo xubintii ay ka ahayd Xisbia Liberal-ka (VVD) iyo kan Barlamaanka dalkaasi Holland, waxaana la siiyey muddo 6-isbuuc ah inay jawaabcelin ka keento sababaha ku dhaliyey inay dhacdooyin been ahaan sheegato si ay ku hesho Magangelliyo iyo Dhalashadda dalka Holland.

Haweneyda Wasiirka Arrimaha Muhaajiriinta ee Dowladda Dalka Holland, Mrs. Rita Verdonk oo xubin ka ah Xisbiga VVD ee ay Ayaan Xersi Cali ka mid ahayd, ayaa ku dhawaaqday in Ayaan laga xayuubiyey Xildhibaannimaddii Barlamaanka iyo Xisbiga, isla markaana lagala noqday Muwaaadinnimaddii la siiyey,

waxayna xustay in Ayaan Xersi magaceeda rasmiga ahaa Magan Xersi Cali, balse, ay magaceeda u bedeshay markii ay Magangelliyadda Qaxootinimadda sannadkii 1992-kii ka codsatay Hay’adaha Socdaalka ee dalka Holland.

“Waxaan qorsheynayaa inaan u dhaqaaqo dalka Maraykanka, isla marka uu fasaxa joogitaanka uu ii dhamaado sannadka soo socdo” ayey ku calaacashay Ayaan Xersi, oo intaasi ku sii dartay:- “Waa suurtogal inaan sida ugu dhaqsaha badan ugu ambabaxo dalka Maraykanka, maadaama xaalladaydu haatan tahay mid ku jirta gacanta Baarayaasha dalka Holland”.

Ayaan Xersi Cali, waxaa la sheegay inay beryahan ku hawlan tahay sidii ay ugu ambabixi lahayd dalka Maraykanka, iyadoo qorsheynaysa inay shaqo ka hesho Machadka “The American Enterprise Institute” ee Magaalladda Washington.

Sidoo kale, Warbaahinta dalka Holland, waxay maalintii Isniinta ee shalay baahiyeen inay Ayaan Xersi Cali toddobaadkan gudihiisa ka fariisan doonto Arrimaha Siyaasadda, si ay ugu biirto Machadkaasi Maraykanka, oo ay bisha September ee soo socota ka hawlgalayso. Haweeneyda Afhayeennadda u ah Ayaan Xersi, oo lagu magacaabo Ingrid Pouw,

waxay sheegtay inay Sharci-yahannadda dalka Holland maanta oo Talaado ah qaban doonaan Shir Jaraa’id oo ay ku lafagurayaan Xilkii Ayaan ka haysay Barlamaanka.

Dhinaca kale, Xaalladda Nololeed iyo midda Aakhiro ee haweneydaasi ka ridhowday Diinta Islaamka ee Ayaan Xersi Cali, ayaa waxay haaatan maraysaa meel xasaasiyad leh, iyadoo Muslimiinta Caalamka, gaar ahaan kuwa ku nool dalka Holland ka carroodeen Filimkii ay Haweynadaasi ku aflagaadeysay Diinta Islaamka.

Soo-Saarihii Filimkaasi oo la oran jirey Rende De Groot ayaa waxaa isaga i sannadkii 2004-tii lagu dhex dilay Bartamaha Magaalladda Amesterdam, waxaana falkaasi geystay Nin asalkiisu ka soo jeedo Dalka Marooko, balse haysta dhalashadda dalka Holland,.

Maydkii Filim-Sameeyihii De Groot waxaa la dul-saaray Warqad loogu digayey Haweneydaasi Ridowday ee Ayaan Xersi Cali tahay, oo loogu dhaartay inay noqon doonto bartilmaameedka labaad ee la dili doono.

Markaynu isku soo duubno, Mustaqbalka Nololeed ka sokow, waxay Ayaan Xersi iyo kuwa ka baxay Diinta Islaamka, waxaa u sugnaan doona Hoog Adduun iyo mid Caddaab Aakhiro, ee Allow, Ummaddaada Islaamka ka badbaadi Sharta Qowmka Ridooba iyo kuwa Saliibiyiinta.

Xigasho Wakaalladaha Wararka iyo Wargeysyadda Caalamka.
Waxaa Turjumay:- Nuradin Abokor Axmed “Diini-Yare”
nuradinhagi@hotmail.com Xarunta Warqabadka ee Alljubbaland.com